ગુજરાત વરસાદ આગાહી: ગુજરાતમાં છેલ્લા બે દિવસથી સતત ભારે વરસાદ વરસી રહ્યો છે. ખાસ કરીને સૌરાષ્ટ્ર અને કચ્છ ઝોનમાં ઘણા વિસ્તારોમાં તીવ્ર વરસાદ નોંધાયો છે. હવે હવામાન વિભાગે આગાહી કરી છે કે આવતીકાલે પણ અનેક વિસ્તારોમાં ભારે થી અતિભારે વરસાદ વરસી શકે છે. દક્ષિણ અને મધ્ય ગુજરાતના કેટલાક વિસ્તારોમાં પણ છૂટા છવાયા સ્થળોએ વરસાદ વરસવાની સંભાવના છે. આ કારણે માછીમારોને 28 ઑગસ્ટ સુધી દરિયામાં ન જવા ચેતવણી આપવામાં આવી છે.
રાજ્યમાં વરસાદની હાલની સ્થિતિ
ગાંધીનગરના સ્ટેટ ઈમરજન્સી ઓપરેશન સેન્ટરના અહેવાલ મુજબ, આ વર્ષે અત્યાર સુધીમાં કુલ સરેરાશ વરસાદ 84 ટકા નોંધાયો છે. છેલ્લા 24 કલાકમાં સૌથી વધુ વરસાદ છોટાઉદેપુર જિલ્લાના સંખેડા તાલુકામાં 4 ઇંચ નોંધાયો. સુરત જિલ્લાના ઉમરપાડા, સાબરકાંઠાના ઈડર, તાપીના વ્યારા અને વડોદરાના ડભોઈમાં પણ ભારે વરસાદ નોંધાયો છે. માત્ર ચાર કલાકમાં જ મહિસાગરના બાલાસીનોર અને સાબરકાંઠાના વિજયનગરમાં 2 ઇંચથી વધુ વરસાદ પડ્યો છે.
આ પણ વાંચો: હવામાનમાં મોટો ફેરફાર! Amabalal Patel કરી ચોંકાવનારી આગાહી, આ જિલ્લામાં અતિભારે વરસાદ પડશે
સરદાર સરોવર ડેમમાં પાણીની સ્થિતિ
નર્મદા નદી પર બનેલો સરદાર સરોવર ડેમ હાલ 84 ટકા જેટલો ભરાયો છે. ડેમમાં હાલ 2,83,431 MCFT પાણીનું સંગ્રહ થયું છે. રાજ્યના અન્ય 206 જળાશયોમાં પણ 78 ટકા જેટલું પાણી ભરાયું છે. હાલ ગુજરાતના 67 ડેમ પૂરેપૂરા ભરાયા છે જ્યારે 27 ડેમ 90 થી 100 ટકા સુધી ભરાયા છે. આ ડેમોને હાઈ એલર્ટ પર રાખવામાં આવ્યા છે.
આ પણ વાંચો: ગુજરાત ખેડૂત માટે ખુશખબર! ખેડૂતો ને મોબાઈલ ખરીદવા માટે રૂ. 6000 જેટલી સહાય – Smartphone Sahay Yojana
સુરક્ષા માટે સરકારની તૈયારી
રાજ્યમાં અત્યાર સુધી સૌથી વધુ વરસાદ ઉત્તર ગુજરાત ઝોનમાં 87 ટકા જેટલો નોંધાયો છે, જ્યારે પૂર્વ મધ્ય ઝોનમાં સૌથી ઓછો 79 ટકા વરસાદ પડ્યો છે. ચોમાસાની પરિસ્થિતિને પહોંચી વળવા માટે સરકાર દ્વારા આગોતરા આયોજન કરવામાં આવ્યું છે. હાલ રાજ્યના વિવિધ જિલ્લાઓમાં NDRFની 12 ટુકડીઓ અને SDRFની 20 ટુકડીઓ તૈનાત છે. અત્યાર સુધીમાં સુરક્ષા માટે 5,191 નાગરિકોને સ્થળાંતર કરવામાં આવ્યા છે અને 966 લોકોને રેસ્ક્યુ કરવામાં આવ્યા છે.
સામાન્ય લોકોને શું કરવું જોઈએ?
સરકાર અને હવામાન વિભાગની સૂચનાઓનું પાલન કરવું જરૂરી છે. નદીઓ, ડેમો કે પાણી ભરાયેલા વિસ્તારોમાં જવાનું ટાળવું. માછીમારોને દરિયામાં ન જવાની સલાહ આપવામાં આવી છે. વરસાદના દિવસોમાં વિજળીના તાર અને નબળી દિવાલોથી દૂર રહેવું.
ગુજરાતમાં ચોમાસું હજુ ચાલુ છે અને આગામી દિવસોમાં વરસાદની તીવ્રતા વધુ રહેવાની શક્યતા છે. તેથી સાવચેતી અને સુરક્ષા રાખવી અતિ આવશ્યક છે.