Ration Card Today News: રેશન કાર્ડ ઇ-કેવાયસી (e-KYC) એ એક પ્રક્રિયા છે જેમાં રેશન કાર્ડ ધારકની ઓળખ આધાર કાર્ડ અને બાયોમેટ્રિક ચકાસણી દ્વારા સાચી હોવાની ખાતરી કરવામાં આવે છે. રાષ્ટ્રીય ખાદ્ય સુરક્ષા અધિનિયમ (NFSA) હેઠળ, રેશન કાર્ડ ધારકો માટે ઇ-કેવાયસી ફરજિયાત કરવવામાં આવી છે, તેના આધારે માત્ર લાયક લાભાર્થીઓ જ સરકારી યોજનાઓનો લાભ મેળવી શકે. આ પ્રક્રિયા ડુપ્લિકેટ અથવા ખોટા રેશન કાર્ડને દૂર કરવામાં મદદ કરે છે અને રાશન વિતરણ વ્યવસ્થાને પારદર્શક બનાવે છે.
રેશન કાર્ડ ઇ-કેવાયસી શા માટે જરૂરી છે?
રેશન કાર્ડની માન્યતા જાળવવા અને લાભાર્થીની ઓળખ ચકાસવા માટે. ખોટા અથવા ડુપ્લિકેટ રેશન કાર્ડને દૂર કરવા માટે. સરકારી યોજનાઓનો લાભ માત્ર લાયક વ્યક્તિઓને જ મળે તેની ખાતરી કરવા માટે. અને જો ઇ-કેવાયસી ન કરવામાં આવે, તો રેશન કાર્ડ રદ થઈ શકે છે અથવા રાશન મેળવવાનું બંધ થઈ શકે છે.
રેશન કાર્ડ ઇ-કેવાયસી માટે જરૂરી દસ્તાવેજો
રેશન કાર્ડ ઇ-કેવાયસી માટે નીચેના મુજબ દર્શાવવામાં આવેલ દસ્તાવેજોની જરૂર પડે છે:
- રેશન કાર્ડ
- આધાર કાર્ડ (આધાર સાથે લિંક કરેલો મોબાઇલ નંબર)
- પાસપોર્ટ સાઇઝનો ફોટો (જો ઓફલાઇન પ્રક્રિયા હોય)
- ઇમેલ આઈડી (વૈકલ્પિક)
- રહેઠાણનું પ્રમાણપત્ર (જો જરૂરી હોય)
- બેંક પાસબુકની નકલ (કેટલાક કિસ્સામાં)
- બાયોમેટ્રિક વિગતો (ફિંગરપ્રિન્ટ અથવા ચહેરાની ઓળખ)
રેશન કાર્ડ ઓનલાઇન ઇ-કેવાયસી કરવાની રીત
- ગૂગલ પ્લે સ્ટોરથી “Mera Ration” એપ્લિકેશન ડાઉનલોડ કરો. સાથે “Aadhaar FaceRD” એપ્લિકેશન પણ ઇન્સ્ટોલ કરો.
- “Mera Ration” એપ ખોલો અને તમારી ભાષા (ગુજરાતી) પસંદ કરો. તમારો મોબાઇલ નંબર દાખલ કરો અને મળેલા OTP દ્વારા વેરિફાઇ કરો. પ્રોફાઇલમાં જઈને પાસવર્ડ સેટ કરો અને રેશન કાર્ડ નંબર લિંક કરો.
- હોમ પેજ પર “Aadhaar e-KYC” ઓપ્શન પસંદ કરો. રેશન કાર્ડ નંબર અને આધાર નંબર દાખલ કરો. આધાર સાથે લિંક કરેલા મોબાઇલ નંબર પર OTP મળશે, તે દાખલ કરો અને વેરિફાઇ કરો.
- Aadhaar FaceRD એપ ખોલો અને ચહેરાની ઓળખ માટે સેલ્ફી લો. સેલ્ફી લેતી વખતે ચહેરો સીધો રાખો અને સ્ક્રીન પરની સૂચનાઓનું પાલન કરો (આંખો ખુલ્લી રાખવી). ચહેરાની ચકાસણી સફળ થયા પછી, “સબમિટ” બટન પર ક્લિક કરો.
- ચકાસણી પૂર્ણ થયા પછી, તમને એક કન્ફર્મેશન મેસેજ અથવા ઇમેલ મળશે, જે દર્શાવશે કે તમારું ઇ-કેવાયસી સફળતાપૂર્વક પૂર્ણ થયું છે.
નોંધ: જો OTP ન આવે, તો ખાતરી કરો કે તમારો મોબાઇલ નંબર આધાર સાથે લિંક છે. જો નહીં, તો નજીકના આધાર કેન્દ્ર પર જઈને મોબાઇલ નંબર અપડેટ કરાવો. દર 5 વર્ષે ઇ-કેવાયસી અપડેટ કરવું ફરજિયાત છે.